O Blogue do 1º e 2º Curso do Cerdeiriñas

Bo día.
Neste ano 2020 o escritor homenaxeado no día das Letras Galegas, como xa sabedes, é o ferrolá Ricardo Carvalho Calero. Aquí vos deixo agora unha ficha interactiva sobre o seu libro "As pitas baixo a choiva" que podedes facer a continuación. É moi importante que primeiro lle botedes unha ollada ao vídeo que vos vai aparecer ao comezar (se non o podedes ver en grande facedes doble click enriba del e védelo noutra ventá). Logo ides facendo as tarefas que veñen a continuación lendo ben os enunciados. Ao rematar premedes en "Terminar" logo escribides o voso nome, curso e o correo electrónico do profe para poder botarlle unha ollada ao que fixéstedes.
Un saúdo.

As pitas baixo a choiva. Carvlho Calero, una ficha interactiva de lauracasteleiro
liveworksheets.com

Este xoves 2 de abril, a partir das 14:00 horas, poderedes consultar a través da aplicación Abalar Móbil as cualificacións da segunda avaliación dos nenos e nenas. Aquelas familias que por motivos xustificados non poidan consultalas na aplicación, poderán solicitalas a través do correo electrónico: ceip.cerdeirinhas@edu.xunta.gal ou no teléfono: 886151760.

Tal é como establecen as instruccións remitidas pola Consellería de Educación só son avaliables as actividades realizadas de xeito presencial no centro ata o día 13 de marzo de 2020. Todas as actividades realizadas online non son avaliables, é dicir non contan para a nota. Aínda así, isto non lle resta importancia ao traballo que viñeron facendo ata o de agora, xa que é fundamental para non perder o fío do curso e repasar contidos xa vistos.

Finalmente indicar que estamos á espera de novas instruccións da Consellería de Educación de como se poida desenvolver a 3ª avaliación á volta das vacacións de Semana Santa. Tan pronto teñamos novas comunicaranse a todas as familias.

Moitas grazas pola vosa colaboración.

Un saúdo